بهرنیو چارو وزارت وایي، د بهرنيو چارو وزير مولوي اميرخان متقي د کاميرون پلازمېنې ياوندي کې د اسلامي همکارۍ سازمان د بهرنيو چارو وزيرانو شورا د ۵۰مې ناستې په څنډه کې د سعودي عربستان، ترکيې، قطر، اذربايجان، عُمان، اندونيزيا، ایران، فلسطین، سومالیا او نورو هېوادونو له استازو او د اسلامي همکارۍ سازمان او اړوندو تخصصي ادارو له مسولينو سره جلا – جلا ناستې کړې دي.
یاد وزارت زیاته کړې؛ په دغو ناستو کې له اړوندو لوریو سره د دوه اړخيزو اړيکو پر پياوړتيا، او په بېلابېلو ډګرونو کې د همکارۍ د نوو زمینو پر رامنځته کولو خبرې کړې دي.